இந்தோனேசியாவின் மத்திய ஜகார்த்தாவில் ஏற்பட்ட தீ விபத்தில், 52 வீடுகள் தீக்கிரையானதைத் தொடர்ந்து, 114 குடும்பங்களைச் சேர்ந்த குறைந்தது 340 பேர் தங்கள் வீடுகளை விட்டு வெளியேற வேண்டிய நிலை ஏற்பட்டுள்ளது.
இந்தச் சம்பவம், செனென் மாவட்டத்தின் கிராமாட் பகுதியில் உள்ள ஜாலான் கிராமாட் புலோ டாலாம் II சாலையில், வியாழக்கிழமை மாலை சுமார் 6.30 மணியளவில் நிகழ்ந்ததாக உள்ளூர் ஊடகங்கள் தெரிவித்துள்ளன.
பாதிக்கப்பட்ட மக்களுக்காக மாவட்ட நிர்வாகம் இரண்டு தற்காலிக நிவாரண முகாம்களை அமைத்துள்ளது.
இந்தத் தீ விபத்தில் உயிரிழப்புகள் எதுவும் பதிவாகவில்லை. இருப்பினும், தீ விபத்துக்கான காரணம் குறித்து காவல்துறையினர் விசாரணை நடத்தி வருகின்றனர். ஆரம்பகட்ட விசாரணையில், மின்கசிவு காரணமாகத் தீ ஏற்பட்டிருக்கலாம் எனச் சந்தேகிக்கப்படுகிறது.
இதற்கிடையில், பாதிக்கப்பட்ட மக்களுக்கு மருத்துவ உதவிகளை வழங்குவதற்காக, மத்திய ஜகார்த்தா இந்தோனேசிய செஞ்சிலுவைச் சங்கம் மருத்துவப் பணியாளர்களையும் ஆம்புலன்ஸ் வாகனத்தையும் சம்பவ இடத்திற்கு அனுப்பியுள்ளது.
தனியாக மருத்துவ முகாம் அமைப்பதற்குப் போதிய இடவசதி இல்லாததால், ஆம்புலன்ஸ் வாகனத்திலேயே மருத்துவ ஆலோசனைகளும் சிகிச்சைகளும் வழங்கப்பட்டதாகத் தெரிவிக்கப்பட்டுள்ளது.