நேபாளத்தில் மாயமான மலேசிய தீயணைப்புவீரர் – நம்பிக்கையுடன் காத்திருக்கும் குடும்பம்!

நேபாளத்தின் ராசுவா பகுதியில் ஏற்பட்ட திடீர் வெள்ளம் மற்றும் நிலச்சரிவைத் தொடர்ந்து காணாமல் போன மலேசிய தீயணைப்பு மற்றும் மீட்புத் துறையின் சிறப்புப் படை வீரர் முகமது ஃபக்ருல் முனீர் முகமது ஈசா, 44, பாதுகாப்பாக மீட்கப்படுவார் என்ற நம்பிக்கையில் அவரது குடும்பத்தினர் காத்திருக்கின்றனர்.

அவரது சகோதரர் முகமது சைஃபுல் முனீர், 46, பேரிடர் காரணமாக அப்பகுதியில் தகவல் தொடர்பு துண்டிக்கப்பட்டிருக்கலாம் எனக் கூறினார்.

மலை ஏறுவதில் ஆர்வம் கொண்ட ஃபக்ருல் முனீர், ஆண்டுக்கு 3 முதல் 5 முறை நேபாளத்துக்குச் செல்வது வழக்கம் என்றும் அவர் தெரிவித்தார்.

காணாமல் போனவர்களை தேடும் பணிகள் தொடர்ந்து நடைபெற்று வரும் நிலையில், அதிகாரிகளிடமிருந்து வெளியாகும் அதிகாரப்பூர்வ தகவல்களை மட்டுமே குடும்பத்தினர் நம்பியிருப்பதாகவும் சைஃபுல் முனீர் கூறினார்.

எவரெஸ்ட் பேஸ் கேம்ப் நோக்கிச் சென்ற 10 மலேசியர்களில் முகமது ஃபக்ருல் முனீர் மற்றும் மற்றொரு தீயணைப்பு அதிகாரி முகமது சானி ஹருல் ஆகிய இருவரும் இன்னும் தொடர்பில் இல்லை என தெரிவிக்கப்பட்டுள்ளது.