அக். 30 :பினாங்கு தீவு மாநகராட்சி (MBPP), வெளிநாட்டினரால் நடத்தப்படும் வணிக வளாகங்களுக்கு எதிராக ‘OPS TEGAS’ என்ற பெயரில் அதிரடி அமலாக்க நடவடிக்கையை மேற்கொண்டது.
கடந்த அக்டோபர் 27, 2026 அன்று தஞ்சோங் புங்கா, தெலுக் பஹாங், பத்து ஃபெரிங்கி மற்றும் அம்பாங் பகுதிகளில் இந்த நடவடிக்கை மேற்கொள்ளப்பட்டது.
இதன்போது, சம்பந்தப்பட்ட வணிக வளாகங்களில் வெளிநாட்டினர் இருப்பது கண்டறியப்பட்டதுடன், அவற்றின் செயல்பாடுகள் மற்றும் உரிமம் தொடர்பான விவரங்களும் அதிகாரிகளால் ஆய்வு செய்யப்பட்டன.
நடவடிக்கையின் ஒரு பகுதியாக, விதிமீறல்கள் கண்டறியப்பட்ட வணிக வளாகங்கள் மூடப்பட்டதுடன், விளம்பரப் பலகைகள், உலோக அலமாரிகள் மற்றும் வணிகப் பயன்பாட்டுப் பொருட்களும் பறிமுதல் செய்யப்பட்டன.
இந்த நடவடிக்கை 1976ஆம் ஆண்டின் உள்ளூராட்சி சட்டத்தின் கீழ் மேற்கொள்ளப்பட்டது.
தனது நிர்வாகப் பகுதிக்குள் நடைபெறும் வணிக நடவடிக்கைகள் முறையான உரிமங்களுடனும் உள்ளூராட்சி விதிமுறைகளுக்கு உட்பட்டும் செயல்படுவதை உறுதி செய்வதே இந்த அமலாக்க நடவடிக்கையின் முக்கிய நோக்கம் என தெரிவிக்கப்பட்டுள்ளது.
